Zi nur siraja 999

Zi nur siraaja
nabii muhamada
Zi nur siraaja
Nabii Mawluudaa

Bismi lahi nelma nad gis
Nako' aa dibe teew
Nabii suumbe tawa
qal be tegenaa zat maskan tiiw
Limii galataa yegba' ak
zi satkhana le Yi zi khanu nabiiw

Mawlāyaa ṣalli waa sallim dā'imaan abadan
ʿAlaā ḥabībika khayri l-khalqi kullihimi

Asalaamu alaykum zi nuur siraa ja
Goyten waafa qeekhu waa
israa miraaja
Suum zo baah tama dekhu
goy tee zit beejaa
Zay barsii magas zalaa
Zii gaderaa keejaa

Zi nur siraaja
nabii muhaamada
Zi nur siraaja
Nabii Mawluudaa

Ayziyu Aminah wa
aw ziyu Abdullahi bee
Rasuul tawa laduu
Isniin yaam Macca asiima bee
Zit waladu nat subut inta
Amul fiil za maan bee

Mawlāyaa ṣalli waa sallim dā'imaan abadan
ʿAlaā ḥabībika khayri l-khalqi kullihimi

Haa raas ayaach yiiq buuyu zaal
Hiifot waa diil sot baah
Aminah walad tayu
bii laa miih tii mu'jiizaa bah
Raa haab wa Afaat chiil maam
Azo Ayaan baayaa fataah

Zi nur siraaja
nabii muhaamaadaa
Zi nur siraaja
Nabii Mawluudaa

Amaan nat wa giid raa chaayaa
yi diijii giir Takheta laa ma haabii buw

Chin qii waa kaaf tii bee
Azaaziil aw tii tabaa bee seeda qeew

Aduu niit Aqomastii sahaaq tii
Tas tii baah araatii ma
saasaa siin zew

Es walad tayu beher Aminaa
Zalatab tayu bee haay zalam tot zeew

Ko ot war bee tetaalal tiima
talaay tii hiyaa maa tuuw

Allahuun taama wakiil
Weekala leyuu uma Aymanuw

Mawlāyaa ṣalli waa sallim dā'imaan abadan
ʿAlaā ḥabībika khayri l-khalqi kullihimi

Zi nur siraaja
nabii muhaamaadaa
Zi nur siraaja
Nabii Mawluudaa

Aga barii yiqiih rube isaaluu
Inaay halimaa lijii ziyu baah
Jibrael dijuu ma dachii bee
Anee uyu ma iraaz ziyu bah
Qadadu yu ma haatabu luyu
haam mii wa khamii ziyu bah

Zi nur siraaja
Nabii Muhamada
Zi nur siraaja
nabii mawluda

Matwalad ziyu bee labasuma
zi khaaliiq Qiih raa nuuw

Talabasu ma wiiyij nat ziiyu bee
Haaya'a wa hush matuuw

Zay lequm elwa lequ ma
Tama duyu khadiija baah
Muu'jiizaa asha leeyu ma
Mak tab maq'raa Almo qaaw

Eqad ziyu be ziit heetaraa
Miiqanaa his tana hutuu ruw

Baayo wa baay tile qiima
zal satuube Nii qaa qalo siir zow

Zi nur siraaja
nabii muhaamaadaa
Zi nur siraaja
Nabii Mawluudaa

Mawlāyaa ṣalli waa sallim dā'imaan abadan
ʿAlaā ḥabībika khayri l-khalqi kullihimi

Haaq be yiit gaza ulo ahaad
Allahu biilay Zalel natuuw

Rah maan be qaachi yiit gaza ulo
Khaaliq biilay zalel natuuw

Sana muuw hulu be ibaadaa mosha
Sidqi bee baatiil natzow

Yat liimdu le Arbii'in amat ziyu be
Ra khabuu nabii nat mansii buuw

Zi nur siraaja
Nabii Muhamada
Zi nur siraaja
nabii mawluda

Aw zinaa Adam zo khaliq be
Zaganoo fadam tiiw

Qur'an edaa ambiyach lee
qadim Nabi bee
habibi zina rasuul nat ziyuuw

Hoji yiidi jo maa yuu khunii nal
kiiz mat' emad qura'nuw

Nabii ziit waladu ayaam zo
Chea naaqeew ma Zaaya chiir aw

Ibliis intaa mat walad ziyuw
Ziqo cheew chiin zow

Iblis arda wijaach azo lenta
yudo zal biid'aaw

Zi nur siraaja
Nabii Muhsamaadaa
Zi nur siraaja
Nabii mawluudaa

Mawlāyaa ṣalli waa sallim dā'imaan abadan
ʿAlaā ḥabībika khayri l-khalqi kullihimi

Nabii di daach manaam ziyu bee
kiil zaaquu Zay biisal tiriiw