உலகம் முழுதும் துடிக்கும் இதயம் இருதய ஆண்டவரே இயேசு

உலகம் முழுதும் துடிக்கும் இதயம்
இருதய ஆண்டவரே இயேசு
உயிர்கள் யாவும் தேடும் உறவு
உம் அன்பு ஒன்றே இயேசு

விண்மீன் சிந்தும் ஒளியின் வழியே
விடியலாய் வருகின்றீர்
மண்ணுயிர் யாவும் வாடும் பொழுதில்
மழைத்துளி ஆகின்றீர்

கல்லெனக் கிடந்த இதயத்தின் உள்ளே
கனிவென மலர்ந்தவரே
கண்ணீரின் உப்பில் கரைந்திடும் துயரை
கருணையால் துடைத்தவரே

முள்ளினில் பூத்த ரோஜாவின் அழகாய்
முக்தியின் பாதை தந்தீர்
சொல்லிட முடியா சோகத்தின் மொழியை
சொந்தமாய் அறிந்துகொண்டீர்

உலகம் முழுதும் துடிக்கும் இதயம்
இருதய ஆண்டவரே இயேசு
உயிர்கள் யாவும் தேடும் உறவு
உம் அன்பு ஒன்றே இயேசு

கடலெனப் பொங்கும் கவலைகள் நடுவே
கலங்கரை விளக்கானீர்
திசையினை இழந்த படகினை மீட்கும்
தெய்வீகத் துடுப்பானீர்

பாலைவனத்தில் பனித்துளி போலே
பாசத்தைப் பொழிகின்றீர்
பாவத்தின் இருளில் தவித்திடும் உயிர்க்கு
பரலோக வழி திறக்கின்றீர்
:
சிலுவையின் மரத்தில் சிந்திய இரத்தம்
சிந்தையில் நதியாகும்
சிதைந்த என் வாழ்வின் சுவர்களில் எல்லாம்
சமாதானம் பூக்குமே

ஆணிகள் துளைத்த திருக்கரங்களிலே
அன்பின் வரலாறு உண்டு
மரணத்தை வென்ற உயிர்த்தெழும் விடியலில்
மாறாத நம்பிக்கை உண்டு

இடைப்பல்லவி:
இதயமே இதயமே இயேசுவின் இதயமே
இறைவனின் அன்பை உலகிற்கு உரைக்கும் இதயமே
துடிப்பிலும் உம் நாமம்
துணையிலும் உம் கருணை
துயரிலும் உம் பாதம்
தொடருமே என் பயணம்

அனாதையின் கண்ணில் அரும்பிடும் கண்ணீர்
அன்பினால் துடைப்பவரே
பசித்தவர் கரத்தில் பகிர்ந்திடும் உணவில்
பரிவாக இருப்பவரே

உடைந்தவர் நெஞ்சில் உதித்திடும் நம்பிக்கை
உம் உயிரின் பரிசல்லவோ
உலகத்தின் எல்லை கடந்திடும் அன்பே
உம் இதயத்தின் மொழியல்லவோ

இறுதிப் பல்லவி:
உலகம் முழுதும் துடிக்கும் இதயம்
இருதய ஆண்டவரே இயேசு
உலகம் உறங்கும் இரவினில்கூட
உம் அன்பு விழித்திருக்கும்

விண்ணும் மண்ணும் பாடும் கீதம்
இயேசுவே உம் திருநாமம்
என் இறுதி மூச்சின் இசையிலும் என்றும்
நீரே என் இதய ராகம்

இருதய ஆண்டவரே… இயேசுவே…
என் இதய வாசலில் வாழ்பவரே…
உலகம் முழுதும் துடிக்கும் இதயமே…
உம் அன்பில் என்றும் இளைப்பாறுவேனே… ஆமென்.