குழந்தை ஏசு

பாலகன் இயேசுவே, என் இதயத் தெய்வமே

பாலகன் இயேசுவே, என் இதயத் தெய்வமே
பாசத்தின் வடிவமே, பரலோக ஒளியே
உந்தன் முகம் கண்டால் உள்ளத்தில் அமைதி
உந்தன் அன்பு ஒன்றே வாழ்வினில் இனிமை!

தாலாட்டு பாடுவேன், தங்கமே உனக்காக
தாழாத அன்பினால் தாங்குவேன் மனதோடு
உலகத்தின் ஒளியே, உயிர்களின் உறவே
உம்மையே போற்றுவேன் என் வாழ்நாள் முழுதே!

மாட்டுத் தொழுவத்தில் மலர்ந்திடும் அழகே
மனிதரின் வாழ்வினில் வந்திட்ட உறவே
மழலைச் சிரிப்பிலே மகிழ்வினைத் தருவாய்
மனமெனும் கோவிலில் மன்னவனாய் வருவாய்!

விண்மீன்கள் பாடிடும் வேளையில் வந்தாய்
விடியாத இருளிலும் வெளிச்சமாய் நின்றாய்
ஏழையின் உள்ளத்தில் அன்பினைப் பொழிந்தாய்
எல்லோரின் வாழ்விலும் நம்பிக்கை தந்தாய்!

பாலகன் இயேசுவே, என் இதயத் தெய்வமே
பாசத்தின் வடிவமே, பரலோக ஒளியே
உந்தன் முகம் கண்டால் உள்ளத்தில் அமைதி
உந்தன் அன்பு ஒன்றே வாழ்வினில் இனிமை!

அன்னையின் மடியிலே அமர்ந்திடும் அழகே
அன்பினை உலகிற்குக் காட்டிடும் நிலவே
கண்ணீரில் நனைந்திடும் கண்களுக்கு மருந்தே
கவலைகள் நீக்கிடும் கருணையின் விருந்தே!

துன்பங்கள் சூழ்ந்தாலும் துணையாக இருப்பாய்
துவண்டிடும் நேரத்தில் தைரியத்தைத் தருவாய்
தொலைந்திடும் பாதையில் வழிகாட்டி வருவாய்
தூய்மையின் பாதையில் நடத்திடும் இறைவா!

சின்னஞ்சிறு கைகளில் உலகமே தவழும்
சிந்தையில் உன் அன்பு பூவாக மலரும்
சமாதானம் பூமியில் தழைத்திட வேண்டும்
சகோதர அன்பினில் மனிதர்கள் வாழ வேண்டும்!

குழந்தைகள் வாழ்வினில் குதூகலம் பெருக
குடும்பங்கள் யாவிலும் மகிழ்ச்சிகள் நிறைய
உலகெங்கும் உந்தன் நாமமே ஒலிக்க
உயிருள்ள நாளெல்லாம் உம்மையே துதிக்க!

பாலகன் இயேசுவே, என் இதயத் தெய்வமே
பாசத்தின் வடிவமே, பரலோக ஒளியே
உந்தன் அன்பு எங்கள் வாழ்வினில் நிறைய
உம்முடைய சமாதானம் உலகெங்கும் மலர!

இயேசுவே… இயேசுவே… அன்பின் பாலகனே!
என்றென்றும் போற்றுவோம், எங்கள் இரட்சகரே! ஆமென்!